Այս ուտեստի համար խորհուրդ ենք տալիս ընտրել միայն սպագետի, քանի որ երկար մակարոններով սոուսն ավելի համեղ է ստացվում:
Պատրաստման համար հարկավոր է.
250գ մակարոն
1 կապ սամիթ
2 ճ./գ ձիթապտղի յուղ
½ թ./գ աղ
Սոուսի համար հարկավոր են հետևյալ բաղադրիչները.
2 կգ խեցգետին
2 հատ կարմիր չիլի պղպեղ
½ հատ կիտրոն
1 կապ թարմ սամիթ
1 կապ չորացրած սամիթ
1 պճեղ սխտոր
4 ճ./գ ձիթապտղի յուղ
քաղցր պղպեղ
1 թ./գլ ծովի աղ
Պատրաստման եղանակը.
Եռացող ջրի մեջ լցնել 1 թ. գդալ աղ, քաղցր պղպեղ և չորացրած սամիթ: Այս աղաջրի մեջ լցնել խեցգետինները և եփել 35-40 րոպե: Խեցգետինները շոգեխաշելուց հետո մաքրել և լցնել ափսեի մեջ:
Հաջորդ քայլով մաքրել սխտորը, պղպեղը և թարմ սամիթը, այնուհետև, մանր կտրատել: Կես հատ կիտրոնից քամել հյութը: 4 ճ. գդալ ձիթապտղի յուղն այս բոլոր բաղադրիչների հետ միասին ավելացնել խեցգետնի մսին: Սոուսը պատրաստելուց հետո եռացող ջրի մեջ լցնել մակարոնը, ավելացնել կտրատած թարմ սամիթ և սամիթի սերմեր: Մակարոնը եփելուց հետո քամել ջուրը, այնուհետև լցնել խեցգետնի սոուսը, ինչպես նաև 1-2 ճ. գդալ ձիթապտղի յուղ և լավ խառնել: Արդեն պատրաստի ուտեստը կարելի է անմիջապես համտեսել:
